كيفية انشاء متجر الكتروني على الانستكرام
منصة الانستكرام هي من أهم المنصات اللي يكدر التاجر من خلالها يسوق ويروج لمنتجاته، وحتى يكدر التاجر ينشئ صفحة على الانستكرام لبيع المنتجات لازم يتبع الخطوات التالية:
- من تطبيق الانستكرام يضغط على خيار "Create New Account" لانشاء صفحة انستكرام جديدة.
- راح تظهر واجهة تكتب من خلالها الـ username او اسم المستخدم لمتجرك الالكتروني.
- بعد موافقة الانستكرام على اسم المستخدم لمتجرك الالكتروني راح تنتقل لخطوة إنشاء الرمز السري لحسابك.
- بعد اتمام هذه العملية راح تظهرلك واجهة تدخل من خلالها رقم الموبايل أو البريد الالكتروني حتى يتم التأكد من هويتك.
- بعدها راح يوصلك رمز تأكيد على رقم الموبايل او على بريدك الإلكتروني لتأكيد تسجيل دخولك.
- بعد هذه الخطوة تكدر تربط حساب الانستكرام مع متجرك على الفيسبوك (معلومات أكثر عن هذه النقطة بنهاية المقالة).
- راح يظهر خيار "Search Your Contacts" اللي من خلاله راح تكدر تشارك حساب الانستكرام مع معارفك على الانستكرام.
بعد اتمام هذه الخطوات راح يكون حساب الانستكرام جاهز، ولكن تتبقى فقط خطوات بسيطة حتى تكدر تستخدم الحساب كمتجر الكتروني لبيع المنتجات:
اضغط على "Edit Profile" اللي من خلاله راح تكدر تضيف (الصورة الشخصية للحساب، وصف للحساب، وتكدر كذلك تضيف الموقع الإلكتروني (ان وجد) وبقية تفاصيل المتجر الإلكتروني مثل رقم الموبايل المخصص للتواصل).
كذلك من خلال الضغط على خيار "Switch To Professional Account" راح تكدر تختار فئة لوصف تخصص المتجر الإلكتروني (رائد أعمال، تعليم،..)
بعدها راح تظهرلك واجهة تحتوي على خيار تكدر تحول الحساب من خلاله الى حساب اعمال من خلال الضغط على الـ "Business" هذا الخيار راح يوفرلك خصائص أكثر تسهل عليك عملية ادارة متجرك الالكتروني.
بعد ما تضغط على هذا الخيار راح تظهرلك واجهة تربط من خلالها حساب الانستكرام مع الفيسبوك (هذه الخطوة ضرورية حتى يتحول حسابك الى حساب اعمال وتكدر تروج من خلاله)، تدخل المعلومات المطلوبة مثل رقم الموبايل وتأكد صفحة الفيسبوك اللي راح تربط حساب الانستكرام وياها.
عند اتمام هذه الخطوات راح يكون حساب الانستكرام جاهز لنشر المنتجات.
