قائمة المنتجات وتفاصيل المنتج

1. عند دخولك للتطبيق تكدر تشوف قائمة المنتجات كلها موجودة صورها واسعارها، هذه الاسعار راح تكون أسعار الجملة وتكدر تشوف شكد ممكن يكون ربحك كتاجر بكل منتج.
2. من خلال قائمة المنتجات تكدر تحفظ المنتج بقائمة المحفوظات من خلال علامة الحفظ الموجودة اسفل يسار كل صورة منتج.
3. تكدر تشارك المنتج فورًا مع الزبائن من خلال الضغط على علامة المشاركة.
4. عن طريق حقل البحث بقائمة المنتجات تكدر تبحث عن منتج معين.
5. تكدر ايضًا تبحث عن فئة معينة من المنتجات مثل فئة الأجهزة المنزلية وراح تظهرلك فقط المنتجات التابعة لهذه الفئة.
6. داخل قائمة المنتجات تكدر ترتب المنتجات حسب السعر او العلامة التجارية.
7. تكدر كذلك ترتب قائمة المنتجات حسب سعرها من الأدنى الى الاعلى والعكس عن طريق خاصية الترتيب.
8. عند الدخول الى صفحة منتج معين هذه الصفحة تحتوي على كل التفاصيل الخاصة بالمنتج:
- راح تكدر تشوف كل صور المنتج.
- اذا اكو اكثر من خيار للمنتج مثل ألوان مختلفة او احجام مختلفة راح تكدر تشوفها عن طريق الخيارات الموجودة تحت اسم المنتج.
- بكل منتج راح تشوف اكثر من سعر: السعر الأول هو سعر الجملة وهذا هو السعر اللي فدشي يحسبه للتاجر، السعر الثاني هو سعر الزبون وهو السعر اللي التاجر يبيع بيه للزبون، يوجد نطاق لسعر الزبون وهو بين الحدين الادنى والاعلى، اي لا يمكن اختيار سعر الزبون خارج هذا النطاق .
- ببعض الأحيان اكو منتجات الها حد ادنى فقط بدون حد اعلى، للتاجر حرية اختيار أرباحه من هذه المنتجات بدون تحديده بحد أعلى.

* مهم جدًا تاجرنا تعرف كل تفاصيل المنتج حتى تروجله صح وتكسب ثقة الزبون.