سياسة سحب الأرباح

1. لازم يكون عندك محفظة زين كاش والافضل تكون على نفس الرقم اللي مسجل بيه بتطبيق فدشي.
2. بعد تثبيت الطلب و توصيله للزبون واستلام مبلغ الطلب من الزبون راح تتحول الأرباح من الأرباح القادمة الى الأرباح المحققة.
3. من واجهة التطبيق الرئيسية اضغط على قائمة حسابي ثم اضغط على خانة الأرباح المحققة وراح تظهرلك ارباحك، اضغط خيار "سحب الارباح" بالاسفل.
4. بعد طلب السحب سيتم تحويل ارباحك الى محفظتك خلال 1-2 يوم عمل لكن انتبه تاجرنا أنه لا يمكنك سحب ارباحك اذا كان لديك طلب سحب سابق قيد المعالجة او اذا كان رصيدك بالسالب.
5. بعد تحويل الارباح الى محفظة زين كاش، ممكن سحبها من اقرب منفذ زين كاش، حتى تسحب أرباحك من الوكيل:
أ‌. تزور أقرب وكيل معتمد لزين كاش.
ب‌. تدخل لتطبيق زين كاش.
ج. تضغط على سحب أموال.
د. تكتب رمز المركز المعتمد وقيمة المبلغ الي تريد تسحبه.
ه. تدخل رمز المحفظة السري وثم التأكيد.

ملاحظات مهمة

1. اذا حققت أرباح قبل انشاء محفظة مع زين كاش، ارباحك تبقى موجودة ومحفوظة داخل محفظة فدشي لحين انشاء محفظة زين كاش.
2. سيتم سحب كل الأرباح عند تقديم طلب سحب فلا يوجد خيار سحب جزء من الأرباح.
3. طبقًا لتعليمات البنك المركزي العراقي بخصوص وسائل الدفع الإلكتروني (بما فيها زين كاش) فلا يمكن استلام أكثر من 2 مليون دينار عراقي في اليوم الواحد ولا أكثر من 10 مليون دينار عراقي في الشهر ولذلك:
أ. إذا كانت ارباحك أقل من 2 مليون دينار عراقي وقدمت طلب سحب ارباح راح يوصلك طلب تأكيد لعملية السحب ، في حال تأكيد عملية سحب الارباح راح توصلك ارباحك على محفظة زين كاش خلال 1-2 يوم.
ب. إذا كانت ارباحك 2 مليون دينار عراقي أو ما يقاربها فأيضًا راح يوصلك طلب تأكيد لعملية السحب ، وفي حال تأكيد عملية سحب الارباح راح توصلك ارباحك على محفظة زين كاش خلال 1-2 يوم لكن في حال استلام مبلغ آخر بنفس اليوم مما يجعلك تتجاوز الحد اليومي المسموح (2 مليون دينار) وقدمت طلب سحب ارباح بعدها فـ راح يتم فشل عملية تحويل الأرباح وترجع الأرباح إلى حساب التاجر على التطبيق في اليوم الذي بعده.
ج. إذا كانت ارباحك اكثر من 2 مليون دينار عراقي وقدمت طلب سحب ارباح راح يوصلك طلب تأكيد لعملية السحب ، وفي حال تأكيد عملية سحب الارباح راح توصلك 2 مليون دينار من ارباحك على محفظة زين كاش خلال 1-2 يوم وراح توصل بقية الأرباح في اليوم اللي بعده.
د. إذا كانت ارباحك اكثر من 4 مليون دينار عراقي وقدمت طلب سحب ارباح راح توصلك ارباحك على مراحل، في اليوم الاول راح توصلك 2 مليون دينار من ارباحك على محفظة زين كاش وفي اليوم الثاني راح توصلك 2 مليون دينار من ارباحك ايضًا أما بقية الأرباح فتوصل في اليوم اللي بعده.
هـ. اذا وصلت للحد الشهري المسموح للسحب (10 مليون دينار عراقي أو ما يقاربها) فـ راح يتم رفض طلب سحب الارباح وإرجاعها إلى حسابك على فدشي وعليك تقديم طلب سحب في الشهر اللي بعده.
و. اذا وصلت للحد الشهري المسموح للسحب (10 مليون دينار عراقي أو ما يقاربها) وكانت ارباحك على التطبيق أكثر من 2 مليون دينار فممكن توصلك مليون دينار من الأرباح وترفض بقية الارباح لكنها تبقى محفوظة في نظامنا وعليك إبلاغنا بعد ان تصبح محفظتك جاهزة لسحبها مرة اخرى.