كيفية استخدام البزنس سويت

من خلال الـ Business Suite يكدر التاجر ينظم كل شغله على منصات التواصل الاجتماعي.

شنو الاشياء الاساسية الموجودة في الـ Business Suite؟

1. واجهة الصفحة الرئيسية: يكدر التاجر يشوف الحسابات المربوطة على البزنس سويت وكذلك يكدر يشوف عدد المتابعين على الانستكرام وعلى صفحة الفيسبوك، كذلك يكدر ينزل منشور من "انشاء منشور" أو ينشئ اعلان من "انشاء اعلان" على المنصتين.

2. واجهة المنشورات: راح تظهر خيارات يكدر التاجر من خلالها ينزل منشور من "انشاء منشور" او ريلز "انشاء مقطع ريلز" او ينزل قصة "انشاء قصة".

3. واجهة البريد الوارد: يكدر التاجر يشوف جميع الرسائل والتعليقات المقروءة والغير مقروءة.

4. واجهة المزيد: تحتوي هذه الواجهة على الخيارات الموجودة في "Meta" واللي تشمل الاشعارات والرؤى وغيرها.

5. واجهة اداة التخطيط: يكدر التاجر يشوف المنشورات والقصص (ستوريات) بأي يوم او ساعة تم نشرها.

6. واجهة الإعدادات: من هذه الواجهة راح تظهر قائمة تحتوي عدة خيارات اللي من خلالها راح يكدر التاجر يشوف كل معلومات الحسابات والتعديل عليها (المعلومات الشخصية للحسابات، اللغة، الردود التلقائية،…).

6. واجهة المساعدة: من خلال هذه الواجهة يكدر التاجر يشوف الحلول لأغلب المشاكل اللي تواجه حسابه، كذلك من خلال هذه الواجهة يكدر يشوف الحلول للمشاكل اللي تواجه حسابه الاعلاني والتواصل مع دعم Meta عند الحاجة.

اختبر معلوماتك